By IHubo 24 ikhorasi yokwamukela uSimakade ukuba abuyele kwinkazimulo yobukhosi Bakhe. Iqala ngeziqinisekiso ezimbili zesifundo ngonkulunkulu. Esokuqala, siveza ukuthi yonke into ingeka Simakade, esesibili, siveza ukuthi umuntu nomuntu angaba ngcwele.
Umhlaba ungokaSimakade nakho konke okukuwo,
izwe nabakhileyo kulo,
ngokuba nguye owawumisa phezu kwezilwandle,
wawusekela phezu kwemifula.
Ngubani nje oyokhuphukela
entabeni kaSimakade na?
Ngubani oyokuma
endaweni yakhe engcwele na?
Yilowo onezandla ezihlanzekileyo,
nenhliziyo emsulwa,
ongazibandakanyi nokungamanga
futhi ongafungi ngenkohliso.
Uyofumana isibusiso kuSimakade,
nokulunga kuNkulunkulu wensindiso yakhe.
Amahubo 24:1-5 ( IsiZulu, 2020)
Lomhlaba, nawo wonke umuntu ophila kuwo nazo zonke izigameko ezenzakayo kuwo konke kungokuka Simakade ngoba Nguye okwenzile konke. UyiNKosi yomhlaba wonke!
Yize uNkulunkulu ephakeme kakhulu futhi ebabazeka, kodwa nanoba ngubani angasondela ukuzokhuluma naye. Konke nje okudingakalayo ukuze usondele kuNkulunkulu ubungcwele. Noma lokhu kungabukeka kungenakwenzeka, amavesi ayaqinisekisa ukuthi ubungcwele obufanelekile ukusondela kuNkulunkulu buza ngokuba umuntu abengcwele empilweni yakhe nangokwamukela ukulunga okuvela kuNkulunkulu. UNkulunkulu uyasindisa, asamukelise nokulunga ukuba sibe sembusweni Wakhe. Ngakho uma siphila ngendlela elungile, ngeqiniso nangokuhlanzeka kukamoya, lapho ke singaqiniseka ukuba neNkosi yomhlaba injengo Msindisi neNkosi yethu.
Ngakube lokhu kuyakududuza futhi kukunikezele nomyalelo? Ukuthi uMsindisi wakho oyiNKosi yoMhlaba unguMduduzi okuyilabo abayingcosana abaziyo ngaye. UPhethe umhlaba ngeZakhe izandla futhi wonke umhlaba ungaphansi kokulawula Kwakhe. Yiyo induduzo yethu lena kwizikhathi zobunzima. Kodwa lamavesi aphinde asiyale ngokusikhumbuza ukuba siphile ngobungcwele neqiniso emhlabeni kaNkulunkulu. Asisibo abethu, kodwa sihlengiwe nguNkulunkulu ukuba siphile ngobungcwele phambi Kwakhe.
Masimuphilele Yena, sazi ukuthi lomhlaba wonke ungoWakhe.
By