A brief Theology of the Baptism of the Holy Spirit
UMbhabhathizo kaMoya oNgcwele uvame ukubhekwa njengento esebenza kuphela eqenjini “elingcwele kakhulu” lamakholwa athize, kodwa lokho akulona iqiniso. Abakholwayo baseKhorinte babesanokungavuthwa ngezindlela eziningi, futhi benza izono bedinga ukwelulekwa okuqinile ngobungcwele, kodwa noma kunjalo babebhekwa njengabangcwele ababebhabhathiziwe ngoMoya oNgcwele emzimbeni kaKhristu (1 Khorinte12:13).Umbhabhathizo kaMoya oNgcwele wenzeka ngenkathi yesimo sokuphenduka nokulungisiswa phambi kukaNkulunkulu, hhayi kwisikhathi sokungcweliswa. IBhayibheli alifundisi ukuthi umbhabhathizo kaMoya oNgcwele kufanele ufunwe noma ulandelelwe ngendlela okufanele kulandelelwe ngayo ukukhula ngokomoya nokungcweliswa kwansuku zonke.Ngakho-ke umbhabhathizo kaMoya oNgcwele, okokuqala, uyindlela yokuhlontshaniswa noKhristu, hhayi ukuhlontshaniswa neziphiwo ezithile zomoya noma isikhundla somoya phambi kukaNkulunkulu noma kwabanye. Akusibo bonke abantu abaneziphiwo sokomoya ezifanayo, kodwa bonke basengamalungu omzimba kaKhristu, okwenzeka ngombhabhadiso kaMoya oNgcwele (1 Khorinte 12:27–30).
Nansi incazelo enhle, elula, yoMbhabhathizo kaMoya oNgcwele:
Umbhabhathizo kaMoya oNgcwele wenzeka lapho usindiswa, bese wenza ukukhonza nonkonzo ophathiswe yona njengomKhristu eBandleni kube nezithelo.
Okuyiwona umqondo ogcizelelwa uMbhabhathizo kaMoya oNgcwele ubunye. UMoya oNgcwele uYena oyisihlanganiso esenze kwahlanganiswa kwaphinde kwabalwa nabeZizwe njengabantu bakaNkulunkulu (IzEnzo 11:16). Kwincwadi kwabase-Efesu 2 uPawulu ukhuluma ngokuthi udonga olwahlukanisayo phakathi kwabantu bakwa-Israyeli nabezizwe selubhidliziwe manje. Isizathu sokususwa kwalokho kuhlukaniswa sinikezwa evesini 18: “ngoba ngaye sobabili [umIsrayeli nomZizwe] sinokungena ngoMoya munye kuYise.”Ngaleyondlela-ke amaqembu ahlukahlukene ebandleni lase-Efesu akhuthazwa esahlukweni 4:3 ukuba “nishisekele ukugcina ubunye bukaMoya ngesibopho sokuthula.” Ngakho ubunye bebandla buwubunye obuphathelene noMoya oNgcwele. UMoya oNgcwele uyi-glue yobunye phakathi kokwehlukahlukana kwethu okusobala.
Ukubheka ngokushesha iThestamente Elisha mayelana nobudlelwano phakathi kobunye bebandla nomsebenzi kaMoya oNgcwele kukhombisa amagama abalulekile alandelayo. Eyesi-2 kwabaseKhorinte 13:14 ikhuluma ngenhlanganyelo kaMoya oNgcwele efinyelela kubo bonke ebandleni; njengoba sekushiwo ngaphambili, kwabase-Efesu 4:3 kukhuthazwa bonke abakholwayo ukuba bagcine ubunye bukaMoya; futhi kwabaseGalathiya 5:20 kukhulunywa ngezithelo zenyama, ezibala ukwehluka-hlukana nokuqembuka, okuphikisana ngokuphelele nokuholwa nguMoya kanye nokubonisa ukuthula kukaMoya lapho sihamba futhi siphila ngoMoya (Galathiya 5:18–26). Ngakho-ke okuyiwona umqondo ogcizelelwa uMbhabhathizo kaMoya oNgcwele ubunye bomzimba kaKhristu, hhayi isimo sokuba “ngokomoya kakhulu” noma ukusebenzisa kakhulu iziphiwo zomoya.
Simiselwe ukuhamba ngoMoya futhi singabe sisasebenzisa uMoya oNgcwele ukwanelisa izinkanuko zenyama (Galathiya 5:16). Masigcine ubunye bukaMoya oNgcwele, futhi singasebenzisi ukuphelela Kwakhe ukudala amazinga okomoya phakathi kwethu (Efesu 4:3).
Ukuthola imininingwane eminingana ngesifundo soMbhabhathizo kaMoya oNgcwele, kakhulukazi ukuthola namavesi aphendula nemibuzo ngokubakhona kwesikhathi esiphakathi kokuza okholweni nokuBhabhathizwa ngoMoya oNgcwele funda kule-link elandelayo (kubhalwe ngesiNgisi):
PDF: The Baptism of the Holy Spirit: Brief answers to common questions Download