Going to Church is your Testimony
“Ukuya eSontweni kunguBufakazi bakho” kwakuyimpendulo eyake yanikezelwa kuMzalwane owathi wayengabibikho enkonzweni kwezinye izikhathi ngenxa yesidlo sasebusuku ayeba naso ngamaSonto ebusuku nomakhelwane esisebenzisela ukuvangela. Lenkulumo ihluzekile.
UMbhalo ucacile ngokuthi sidinga ukushumayela iVangeli ngoJesu Khristu kulabo abangakasindiswa. Kodwa lokho akuphambani, njengoMzalwane esikhulume ngaye ngenhla, nokukhonza uNkulunkulu nenhlanganyelo nabazalwane okuqondene nawe. Eqinisweni, uma ufunda iThestamente Elisha ngobufakazi bekholwa emhlabeni, akujwayelekile ukuthi ungafundi ngalokho okusobala okuyisidingo esifunekayo kuqala kuwena maqondana nokukhonza kwakho.
KuJohane 13:35 uJesu wayesevele eselungiselela abaPhostoli ukufakaza kwabo emhlabeni okudumile ngokubakhumbuza ukuthi impela kuzoba wuthando lwabo oluhlukile abanalo ngabazalwane elizo khuphula ubufakazi babo emhlabeni. Impela, “ukuya eSontweni wubufakazi bakho”!
Ngalokho bonke abantu bayakukwazi ukuthi ningabafundi bami uma nithandana.”
NgokukaJohane13:35
Kwincwadi yeZenzo yonke, incwadi ekhuluma ngokuba wufakazi weNkosi uJesu ezindaweni ezikude zomhlaba, yimininigwane kanye nokuqiniswa kwamabandla okuyikona okusebenze ekusabalaliseni iZwi likaNkulunkulu masinyane futhi lafinyelela kude.
KwiThetstamente Elisha lonke, kuzona zonke izincwadi ezazibhalelwe amabandla, ukuqonda uNkulunkulu okusezingeni eliphezulu ngenhloso yokukhonza ngokweqiniso kanye nomsebenzi wabazalwane owawenzeka phakathi komunye nomunye yikona okuthatha kakhulu amehlo, ngoba uma, njengoba uJesu ayesevele ebatshelile abafundi bakhe, uthando lokuthandana kwabazalwane luvelela, lapho-ke, ubufakazi emhlabeni angeke buze bugwemeke.
Akufanele, njengoMzalwane okukhulunywe ngaye ngenhla, usebenzise ukuvangela njengezaba eziphambana nokuya eSontweni, kunalokho, sebenzisa ukuya eSontweni njengesizathu sokuthi umhlaba ubone ukuthi siyamthanda uJesu kanye nabanye abazalwane, bese ngemuva kweNkonzo, bese usuyachaza kubona ukuthi kungani siMthanda uKhristu futhi sithandana singabazalwane.
Sifakaza kangcono lapho sikhombisa ukuthembeka kwethu kuKhristu kanye neBandla Lakhe.