God’s Love, Justification, Suffering, and Godliness
Ukukhumbula isahluko soMbhalo kuhlezi kulula uma umqondo wakhona usobala. Lokho kuyiqiniso nakwabase-Roma 5:1-9. Sebenzisa lomhlahlandlela kwisikhathi sakho noNkulunkulu namhlanje, uwusebenzise njengesibonelo ongasilandela nanoma yikusiphi isihluko.
Ngakho-ke lokhu sesilungisisiwe ngokukholwa, sinokuthula kuNkulunkulu ngeNkosi yethu uJesu Khristu
KwabaseRoma 5:1
Sesidalulwe nguNkulunkulu ukuthi silungile ngenxa yokukholwa kwethu kuJesu Khristu. Ngakho asisezona izitha zikaNkulunkulu, kodwa sesinokuthula noNkulunkulu.
okungaye sinokungena ngokukholwa kulo musa esimi kuwo, sizigabisa ngethemba lenkazimulo kaNkulunkulu.
KwabaseRoma5:2
Lokhu kuthula noNkulunkulu esikutholile ngoJesu Khristu kusamukele hhayi nje kuphela kumusa osisindisile, kodwa futhi kusiphe amandla okuthi sihlanganyele kummusa odingakalyo ukuba sime sinqine okholweni lwethu. Ngakho-ke, ngisho kwenzakalani kuthina, sihlezi sinentokozo ezinzile sazi ukuthi ngelinye lamalanga sizohlanganyela kwinkazimulo kaNkulunkulu.
Kepha akusikho lokho kuphela, kodwa siyazigabisa nangezinhlupheko, sazi ukuthi ukuhlupheka kuveza ukubekezela, 4 ukubekezela kuveza ukuqiniseka, ukuqiniseka kuveza ithemba. 5 Ithemba alijabhisi, ngokuba uthando lukaNkulunkulu lutheliwe ezinhliziyweni zethu ngoMoya oNgcwele esimphiweyo.
KwabaseRoma5:3-5
Kodwa ngesiqiniseko ukukholwa kwethu akukho kuhle kuphela ukugcina umqondo ongxile kwinkazimulo kaNkulunkulu engunaphakade, kodwa futhi kuhle maqondana nesimo sethu samanje esingenayo inkazimulo isimo sezinhlupheko. Umusa kaNkulunkulu osisindisile uthathe izoni wazenza abangcwele, ngakho-ke ngokuqinisekile siyakholwa ukuthi umusa kaNkulunkulu osigcina thina simile uyakwazi ukukhiqiza ubungcwele kwinto engathandeki njengezihlupheko. Kungakho izinhlupheko kuMkhrestu zingelona ihlazo, ngoba nazo zikhonela inzuzo ngokomoya.
Umqondo ohlelekile manje usuphelele: Silungisisiwe, lokho kusinikezela thina ukungena kumusa osinikezela ithemba lenkazimulo kaNkulunkulu lokho futhi kusinikezela intokozo esinayo manje yokwazi ukuthi ngisho nezinhlupheko zikhiqiza ubungcwele. Manje incwadi ibuyela kwiphuzu layo lokuqala lokulungisiswa, bese ilihlanganise ngothando lukaNkulunkulu asithanda ngalo.
Ngokuba sisebuthakathaka, uKhristu wafela abangamesabi uNkulunkulu ngesikhathi esifaneleyo, 7ngokuba akwandile ukuba umuntu angafela olungileyo, kodwa hleze kube khona ongazidela afele umuntu oqotho. 8Kepha uNkulunkulu ubonakalisa ukusithanda kwakhe ngalokhu, ukuthi siseyizoni, uKhristu wasifela.
KwabaseRoma 5:6-8
Ukuhleleka komqondo la kusobala: UKhristu wasifela, into ebesingeke impela siyenze uma bekuyithina ebesise zicathulweni Zakhe. Lokho impela kuwukukhombisa ngesibonelo uthando lukaNkulunkulu asithanda ngalo. Uma uNkulunkulu wahamba ibanga elingaka ukwenzela ukusikhombisa uthando ebesiludinga ukuze silungisiswe, impela-ke Uzosikhulula ekuhluphekeni okukhulu kunakho konke ngelinye ilanga– ukuhlupheka kokubhekana nolaka Lwakhe.
Ngakho-ke kakhulu kangakanani sesilungisisiwe ngegazi lakhe, siyakusindiswa ngaye olakeni.
KwabaseRoma 5:9
Ithemba lethu lenkazimulo noNkulunkulu ngakho liqinisekile. Ngeke samukeliswe ukwahlulelwa kokulahlwa, sizosindiswa kulokho kwahlulelwa njengalokhu sisindisiwe ezonweni zethu– ngothando lukaNkulunkulu olukhethekile kakhulu.
Ngakho-ke kunamazinga amabili okukhonza alindelekile kithina kulencwadi. Elokuqala, ukwamukela lamaqiniso akomoya amahle akhuluma ngensindiso, ngempilo yoBukhrestu,ngethemba laphakade, bese uyamdumisa umuphakamise uNkulunkulu ngothando Lwakhe. Elesibili, hamba, uyokwenza impilo yakho ibe wubufakazi komunye nomunye nasemhlabeni ngentokozo ekhulayo ekhiqizwa kithina ngisho nasezimweni ezimbi kakhulu ongabhekana nazo zalempilo.