Don’t Sin, but If You Do …
Isono sinomthelela oqeda amandla kuMakhrestu eqiniso. NjengaMakhrestu sinoMoya oNgcwele owenza sikwazi ukulalela, kodwa sisona kaningi kakhulu. Siyazi ukuthi ukulunga kuhle ngaso sonke isikhathi, nokuthi isono sibi ngaso sonke isikhathi, kodwa ngokujwayelekile kakhulu sisakhetha isono kunokulunga. Siyayiqonda inkululeko etholakala kwizono esezixolelwe, kodwa izono zethu eziphindaphindwayo zisindonsela phansi bese zilulaza ubuqotho bezivumo zethu eziqotho kakhulu. Siyazi ukuthi akufanele sone, kodwa nokho izikhathi eziningi sisona.
Incwadi-1 kaJohane yabhalwa njengencwadi yokukhuthaza ebhalelwe wena. Iqinisekisa ukuthi isono sibi ngezindlela ezinkulu kakhulu eziningi. Kodwa yize kunjalo asiwukhubazi umoya walabo abasindisiwe. Incwadi-1 kaJohane imayelana nokuyeka isono, kodwa futhi imayelana nokugcina ukukholwa kuKhristu nesiqiniseko sensindiso kuyo yonke inqubo okumele siyilandele isikhathi esiningi lapho sonile. Lenqubo wukona-sisivume- sixolelwe.
Ivesi elilandelayo liyakufingqa lokhu kamnandi kakhulu.
“Bantwanyana bami, nginilobela lezi zinto ukuze ningoni. Kodwa uma umuntu ona, sinoMmeli kuBaba, uJesu Khristu olungileyo.”
1kaJohane2:1
Mzalwane ungoni. Kodwa uma wonile, hamba ngalesosikhathi uyekuJesu, uvume izono zakho kuye (1 Johane 1:9), futhi umvumele ukuba akumele kuYise futhi abuyise isiqinisekiso sokuthi ukulunga kwakhe kubaleliwe kuwe.