Christianese: Faith
Mhlawumbe itemu lezenkolo elijwayeleke kakhulu kubona bonke abavuma ukuba bangaMakhrestu yigama elithi “ukukholwa”. Ungakwazi ukunikezela incazel yokuthi leligama lisho ukuthini?
Ukukholwa wu “kukholwa ku”. Kumele kuhlukaniswe kulokho oku wu-”kukholwa” nje, ngoba esikhathini esiphila kuso “ukukholwa” sekuyinto yokusentshenziswa ukuzizela lokho okuthandayo– uma ulokhu ukhula ekubeni nakho, ubukeka njengomuntu ojulile kwezokomoya. Kodwa, ukukholwa kweqiniso wu “kukholwa ku”, hhayi “ukukholwa” nje. Ukukholwa ngokungokwakho akusikona uphawu lwezokomoya lweqiniso, kodwa ukukholwa kuNkulunkulu yikona okubasemqoka kakhulu.
Si- “kholwa kuNkulunkulu”. Sikholwa, hhayi ukwenzela ukukholwa nje, kodwa ukukholwa yiqiniso. Ukukholwa yisiqiniseko esisezinhlizweni zethu sokuthi lokho esikukholwayo impela kuyiqiniso ngisho singakaze sikubone (Hebheru 11:1,3).
KwiThestamente Elidala lomqondo wokukholwa uchazwa kahle kakhulu ngetemu elithi “ukwesaba uSIMAKADE”. Kuphinde futhi, akusikona nje ukwesaba, kodwa wukwesaba uSIMAKADE. Ukukholwa yisiqiniseko esiqinile ezinhlizweni zethu sokuthi uNkulunkulu ukhona, nokuthi Yena ngokwesabekayo ungcwele futhi muhle,
Lapho sithi siyakholwa, akuyona nje inkulumo yokuba ngabantu abajulile ngokomoya, kodwa yinkulumo yokwazi uNkulunkulu okuphela ongoweqiniso kanye noJesu Khristu Lowo uNkulunkulu amthumile. Sikholwa ukuthi uJesu waphila, bese wafela izono zethu, futhi wabe esevuswa nokuthi manje uhleli ngakwesokunene sikaYise lapho enxusela khona thina (Roma 8:34).
Ukukholwa kwethu kukuNkulunkulu, uJesu wangempela, owafela okwangempela efela izono zethu zangempela, futhi uzosinikezela ukuphila okuphakade kwangempela eZulwini langempela.
Ukukholwa yisiqiniseko ezinhlezweni zethu ukuthi lokho esikukholwayo ngoNkulunkulu impela kuyimpilo engokoqobo. Ukukholwa kwethu akuphumputhi, kodwa ukukhona ukwazi lokho ngenye indlela obekungekhoneka ukukwazi.