The pleasant way to build one another up
Kubantu bonke emhlabeni, Amakhrestu yiwo azi kangcono imikhawulo, izono, nobuthakathaka babantu. NjengaMakhrestu, siyakwazi ukubaluleka kokusolwa, noma singakuthandi ukunikezela ukusola noma ukwamukela ukusolwa, njengethuluzi elivamile eliyisidingo ukunqoba ubuthakathaka bethu kanye nokukhula kwethu. Kodwa ukusola akusilo lodwa ithuluzi, noma kambe akufanele kube yilo lokuqala, ekusizaneni ukunqoba ukuthambekela esonweni.
Ku 1 kwabaseThesalonikha 5:11 kubalulwa elinye ithuluzi, elithanda ukuncomeka kakhulu, ukukwazi ukusizana omunye nomunye ukuba akhule ngokomoya.
Ngakho-ke gqugquzelanani, nakhane njengalokhu nenza.
Umongo walomyalelo unikezela isibonelo sesisimo sokukhonzana kwabazalwane. U “ngakho-ke” kavesi-11 ulandela ukubuyekeza okufushane kokubuya kukaKhristu lapho sifundiswa ukuthi Izikhathi zokuGcina azizimbi ngendlela yokuthi zibe yisimo sesijeziso sokugcina esenzelwe thina; ngoba uNkulunkulu usimisele insindiso, hhayi ukwahlulela ( 1 KwabaseThesalonikha 5:9). “Ngakho-ke”masingaphuthumi ukukhipha ukusola okubhodla umlilo, kodwa kunalokho akube ngamazwi okwakhana omunye nomunye lapho sisanqoba ubuthakathaka bethu bamanje.
Lamavesi alandelayo aqukethe ukukhuthaza okuthe ukuqina, kodwa futhi, ngokwesicelo esikhuthazayo, hhayi ukuthetha okunesankahla.
1 Thesalonikha 5:12 “siyanincenga”
1 Thesalonikha 5:14 “siyanikhuthaza“
Ukusola kunendawo yakho, njengalokhu ngisho novesi 14 uqinisekisa, kodwa njengoba sisabhekene nezimpi ezinzima zikamoya, masisheshe ukugqugquzela omunye nomunye lapho sisakhana omunye akha omunye.