Motherly Words for Adult Sons
Amavesi avula Izaga 31 isikhathi esiningi awaqashelwa ngenxa yomsindo omkhulu ogcwalise isahluko sonke wokutusa unkosikazi ongcwele. Amavesi ayisishiyangalolunye ayiqoqo lemiyalelo eliqoshiwe indlovukazi ehlakaniphile eyenza indodana yayo ukuba iyazi ngekhanda (indodana yayizoba yinkosi). Le- ‘siprofetho’, njengoba sibizwa kanjalo, siqukethe imiyalelo eyisisekelo esibumba isimilo kwizinsizwa ezisencane. Uma ungumama, yenza amadodana akho agcine lamavesi ekhanda, ngisho kuthiwa amadodana akho asekhulile. Uma usuyindoda, ungalindi uma’wakho ukuthi akufundele lokhu ngaphambi kokuthi uze uzimisele ukuhamba ngakho empilweni yakho.
Amazwi kaLemuweli, inkosi yaseMasa, awafundiswa ngunina:
Yini, ndodana yami,?
yini, ndodana yesizalo sami?,
yini, ndodana yezithembiso zami, na?
Unganiki abesifazane amandla akho, nezindlela zakho kwababhubhisa amakhosi.
“Akusikho okwamakhosi, Lemuweli, akusikho okwamakhosi ukuphuza iwayini,
nokwababusi ukufisa uphuzo olunamandla, funa baphuze, bakhohlwe izimiso, baguqule ukwahlulelwa kwabantwana bokuhlupheka.Mnike obhubhayo uphuzo olunamandla nomunyu enhliziyweni iwayini. Makaphuze akhohlwe ubumpofu bakhe, angabe esakhumbula usizi lwakhe. “Sivulele isimungulu umlomo wakho, umele bonke abantwana abayizintandane. Vula umlomo wakho, wahlulele ngokulunga, umele abahluphekayo nabampofu.”
IZaga31:1-9
Kulesiprofetho kunezifundo zempilo ezintathu zezinsizwa ezisencane.
Esokuqala, funda ikhono lokuzihlola.
Izinsizwa ezisencane ngasosonke isikhathi zidinga ukuvula ngaloluhlobo lwemibuzo eqala lesisipeofetho sikamama. Ngakube wukuzibuza ukuthi “Wenzani?” ngoba ufuna ukwazi, noma ukuzibuza ukuthi “Wenzani?” ngoba uzihlola, noma mhlawumbe ukuzibuza ukuthi “Wenzani?” ngoba uphoxekile, kungasabalwa ukuzibuza ukuthi “Wenzani?” lapho uzithethisa, insizwa esencane kumele ihlezi ifunda ukubhekana nezenzo zayo zonke kanye nezinhloso zayo. Yiba nokuqonda indlela izilingo eziza ngayo; nombola izinto ezinomthelela wesono; ezintweni zonke velela kwindlela yokwenza kahle kanye nokwenza ngesikhathi esifanele.
Esesibili, qaphela izilingo sokocansi.
Ayikho indoda eyazi kangcono kuneNkosi uSolomoni, futhi ngisho naye wawa ngaphansi kokuyenga kwabasifazane abanobufebe. Ngaphambi kokuthi lonke ibhobhodleyana lifinyelele ebudodeni, lelivesi kumele libe seligciniwe ekhanda kanye nawo lombuzo olokhu ubelesele kusona sonke isilingo othi “Wenzani?” uqaphelisa kulona lonke uhlobo lwezono zocansi oluzobhubhisa impilo.
Esesithathu, phikelela ekwenzeni lokho okuwumsebenzi wakho ngaphezu kokuba ubelesela lokho okungamalungelo akho.
Kungenzeka uzizwe kufanele ukuthi uzithokozise ngenjabulo yalempilo okwazi ukufinyelela kuyona. Kodwa ungenzi kanjalo. Esikhundleni salokho, sebenzisa onakho ukusiza labo abancishiwe amalungelo abantu ayisisekelo sempilo. Njengalokhu isiprofetho sikamama sisho, ukusentshenziswa kwezinto ezidakiswanayo okwalabo ababhubhayo, hhayi labo abanethezekile. Ngokufanayo, ukusebenzisa ukuba nomthelela kwenzelwa ukuzuza kwalabo abangenawo umthelelela. Yonke insizwa esencane enomzimba osebenza kahle kumele isebenzise iziphiwo zayo, izimo zayo, izibusiso zayo, kanye nalokho enakho ukwenza lokho okuwumsebenzi wayo. Okuyikona kuphela okumele kwenze ubelesele amalungelo yilapho wenzela omunye odingile kakhulu kunawe.
BoMama yenzani amadodana enu akufunde akugcine ekhanda lokhu.
Zinsizwa ezisencane, yimani njengeNkosi uLemuweli yena qobolwakhe owakuthatha lokhu wakuphinda esidlangalaleni phambi kwesizwe sonke enzela ukuba zimqaphele ukuthi uyakugcina na.