By Prosperous words
Izinkolo ezidlulisa umyalezo wengcebo nempumelelo zichaza amazwi empumelelo njengalawo “abiza izinto” nalawo “amemezelayo” kanye “naprofethayo!” ukuveza izinhlobonhlobo zomhobholo. Nakuba uNkulunkulu uMdali ekwazi ukukhuluma ngezwi lakhe kuphela bese kuyenzeka, abantu bona bangena ngaphansi kwesigaba sezinto ezidaliwe ukuze zibekhona. Abahlakaniphile bayazi kufanele nathi sisebenzise amazwi empumelelo, kodwa ngendlela ehlukile kunaleyo esetshenziswa nguNkulunkulu. Asibizelwanga, futhi asikwazi nokukwazi ukuletha impumelelo ezimpilweni zethu ngamazwi; okunalokho abahlakaniphile bayazi ukuthi sibizelwe ukusebenzisa ngobuchule amagama ukuze adlulise ngempumelelo lokho esifisa ukukusho.
“inhliziyo yohlakaniphileyo iyafundisa umlomo wakhe, yenezele imfundiso ezindebeni zakhe”
Izaga 16:23
Igama elithi “ubuhlakani” kwihumusho iESV ngelinye lamagama asho ingcebo nempumelelo eTestamenteni Elidala. Nokho, emongweni wamagama, libhekisela emagameni angena ezindlebeni zolalele ngokugcizelela nencazelo efanayo naleyo ehloswe okhulumayo. Umugqa wesibili ohambisanayo evesini wenza kube sobala ngegama elifanayo elithi “ukukholisa”.
Konke ukulimala kokuxhumana kungenxa yephutha lesikhulumi, iphutha kumuntu ozwayo, noma empeleni, iphutha elincane kubo bobabili isikhulumi nolalele. Kodwa abahlakaniphile bazosebenza kanzima ekwenzeni ngobuchule ukuxhumana kwabo ukuze kudlulisele incazelo yabo ngokuphumelelayo. Lapho ekuqaleni okuthile okushiwo kwamukelwe ngendlela ehlukile kulokho obekulindelekile, abahlakaniphile bayabheka kabusha amazwi abo, bacabangele lowo owamukela amagama, futhi bazame ngendlela ehlukile ukukhuluma ngenhloso efanayo yasekuqaleni.
Lokhu kwehluke kakhulu kwisiwula. Isiwula sisuke sinendaba nokukhuluma lokho okusengqondweni yaso singacabangi ukuthi kwamukelwe kanjani (Izaga 18:2). Isiwula asikhethi kahle isilulumagama saso, iphimbo, nokuhleleka kwamagama (IzAga 12:18). Ukukhuluma okunjalo kudala ukungaqondi, ukulimaza, nokubhubhisa.
Amazwi okuphumelela angamazwi akhulunywayo, hhayi ngenjongo yokukhuluma, kodwa ngenjongo yokukhiqiza ukuqonda. Ukuxhumana okunjalo kuwukuxhumana okuphumelelayo. Lawo impela ngamazwi okuphumelela.