A brief Theology of Faith
“UkuKholwa igama elisetshenziswe ngezindlela ezine ezihlukene eMibhalweni.
Okokuqala ukusetshenziswa kwegama “ukukholwa” eMibhalweni kungendlela yomqondo yokholo olusindisayo. Lolukholo luyisipho esivela kuNkulunkulu (Efesu 2:8-9) ukukwazi ukukholwa kuJesu Khristu (Roma 16:31). Lokhukukholwa akwenzeki ukuthi kuzihambela ngokungokwakho kodwa, kodwa Kuhlezi kuhambisana nalokho lokhu kukholwa okukholwa yikho. Ukukholwa “eNkosini enguJesu Khristu” (Izenzo 20:21; Roma 3:22; Efesu 1:15; Kholose 1:4).
Okwesibili ukusetshenziswa kwegama “ukukholwa” eMibhalweni kungokomqondo weQiniso loBukhrestu liphelelenjengalokhu lambuliwe eMibhalweni. Lokhu kukholwa yikona okuvamile okuchaza ukubambelela noma ukukholelwa kwiqiniso lonke lemiBhalo. “UkuKholwa” kuyisisekelo sokuzethemba ngokuphila impilo yoBukhrestu (1 Khorinte 16:13; Kholose 1:23; Kholose 2:7; 1 Thimothewu 3:9), futhi yikona okucacisa ukuthi ngobani abangamalunga womzimba wamakholwa ( 2 Khorinte 13:5; 1 Thimothewu 1:2; Thithu 3:15) nokuthi ngobani abangesiwo ( 1 Thimothewu 4:1; 2 Thimothewu 3:8).
Okwesithathu ukusetshenziswa kwegama elithi “ukukholwa” eMibhalweni kungokomqondo obanzi, osabalele, onemininingwane ebanzi, wokwethembela kuNkulunkulu maqondana nakuzo zonke izindana eziphatheleni nempilo. Yikho lokhu okushiwo “ukuhamba ngokukholwa” (2 Khorinte 5:7). Kodwa futhi, ukukholwa akusiwona amandla ngokungokwakho, kodwa wukukholwa “kuNkulunkulu” (Makhu 11:22; Izenzo 27:25) okuguqula impilo yakho yonke (1 Thessalonikha 1:8). Yilokhu amaHebheru 11 akhuluma ngakho, asebenzisa yombili incazelo yalo leligama ukukholwa, “Ukukholwa kuyisiqiniseko sezinto ezilindelweyo, kuwubufakazi bezinto ezingabonwayo”, kanye nokubonakala kwakho empilweni yamaqhawe “enkolo”. Yonke imisebenzi yokukholwa kumaHebheru 11 ayisiyona kangako “ukukholwa okusindisayo”, kangangoba ingubufakazov obubanzi nobuphelele bokuthembela kuNkulunkulu njengalokhu kukhonjiswa ekulaleleni ngokuthobeka okusobala. Yilapha-ke la igama ukukholwa lifuze umqondo onikwe kwiThestamente Elidala othi “ukumesaba uSIMAKADE”.
Okokugcina, nokungokwesine ukusetshenziswa kwegama “ukukholwa” eMibhalweni yilokho kokuvuthwa ngokwekhono. Kuyigxube yeziphiwo zikamoya lezo uNkulunkulu azabaya komunye nomunye ( 1 Khorinte 12:9), kanye nokuvuthwa nokuba nekhono kwethu okuzisebenzisa ukwenza umsebenzi wokukholwa lowo uNkulunkulu adinga ukuba siwenze. Iziphiwo zokomoya ngezindlela ezininingi zikhonjwa yindlela esesivuthwe ngayo ngokomoya (Roma 12:3). Ngokwalomqondo waleli gama “ukukholwa”, simelwe ukuvelela kukho ( 2 Khorinte 8:7) bese silihlobisa ngempilo yoBukhrestu ekhula njalo (2 Phethro 1:5).
Yize lezizindlela zozine zokusetshenziswa kwegama “ukuKholwa” zisondelene kakhulu, akumele sididaniswe enye nenye. UkuKholwa okusindisayo (ukukholwa kuJesu) yindlela yomusa kaNkulunkulu yokusisindisa kungayi ngokushoda kolwazi nekhono. “Ukukholwa” (ukukholelwa kwiqiniso loMBhalo lonke) yizinga elizimele leqiniso elahlukanisa amakholwa eqiniso kulawo amanga. Ukukholwa kokwethembela ukuthobeka kwethu okuphelele nangokuzinekela kuNkulunkulu kwizona zonke izindaba eziphathelene nezimpilo zethu. Bese okokugcina, ukukholwa kokuvuthwa okunekhono ukusebenzisa kwethu iziphiwo zokomoya ngokuvelela nangokukhula.