Pictures of the Church
Kunokunotha okuthize kwiMibhalo esingavamile ukuyicabangisisa. Lokhu kungenxa yokuthi sidlulisa amehlo kumatemu ajwayelekile bese silahla ukumangala okumele sikumangele.
Awuke ucabange ngamanye amagama aseBhayibhelini anikezela izithombe ezichaza iBandla.
UPawuli uhlukile ngakho ukuthi abize ibandla ‘ngomzimba kaKhristu’. UKhristu uyinhloko yebandla bese ilunga ngalinye ebandleni liyisitho somzimba kaKhristu. UPawuli uyanaba ngalesingathekiso ku 1 kwabaseKhorinte 12 ukuchaza ukwabiwa kweziphiwo ezahlukene ebandleni elibumbene. Nakanjalo abaseEfesu 4 basebenzisa lesisithombe ukuchaza indlela, njengomzimba, sonke sikhula lapho isitho ngasinye senza umsebenzi waso.
NjengoIsrayeli kwiTestamente Elidala, ibandla kwiTestamente Elisha nalo libizwa ngokuthi ‘Abantu bakaNkulunkulu’. Ibandla ngaleyondlela liyiqoqo labantu abasebudlelwaneni obuhlukile noNkulunkulu okuNguye ozikhethele lona, noligcwelisayo njengamanje, futhi ngelinye ilanga uzolikhazimulisa aliphakamise. Ibandla ngakho lingaphezulu kokuba nje umhlangano wabangcwele, ukubeka ngendlela ekahle lingabangcwele, noma abantu, abahlangene.
Amakholwa kwiTestamente Elisha abaliwe kwisingathekiso ‘sethempeli’ likaNkulunkulu noma likaMoya Oyingcwele. Labo abakha Ibandla bayisakhiwo sikaNkulunkulu nendawo yokukhonzela yamakholwa nokuxusela abangakholwa.
Ngokwendlela yobudlelwano obusondele kuNkulunkulu njengo Israyeli kwiTestamente Elidala, Ibandla liphinde libizwe ngokuthi ‘ubupristi’. Ibandla lindawo yokufinyelela kuNkulunkulu evulelekile engenaso isilinganiso futhi lithokozela ubukhona bukaNkulunkulu ekukhonzeni komuntu ngayedwa nangokuhlanganyela.
Impela isithombe esinikezelwe ngamagama sikhuluma ngamazwi ayizinkulungwane! Masingabi nokuzijwayela okweqile lezizithombe, kodwa kunalokho asibufakazele ubuhle beqiniso ezilifundisayo.