Remember the Judge (Jude)
Kunesisho esithi ayihlabi ngakumisa. Lokho kuyiqiniso nangencwadi eyisahluko esisodwa ekaJuda. Incwadi yesibili ngasekugcineni kwiTestamente Elisha impintshwe wumqulu wencwadi yeSambulo, kodwa inamandla agwaza kanzima. Ukuthi yandulela iSambulo kuyisifundo ngokungokwakho! Incwadi ekaJuda iyincwadi engapholisi maseko ekuhlomiseni amakholwa ukuba ahlale emsulwa kuze kube sekuGcineni.
Lencwadi ekaJuda iqala igcine ngamazwi amahle kakhulu ake abhalwa eqondiswe kuMakhrestu ngakho konke lokho uNkulunkulu asiphathise kona ngesihle. Noma kunjalo, yonke into ekuyona yindlela engananazi ekumelaneni naMakhrestu amanga eMbhalweni wonke. Futhi, ngaphandle kokuthinta ngokujulile kulamavesi, isifundo sisobala- isifundo uJuda azosigcizelela enkulumweni yakhe– esithi, Amakhrestu eqiniso ahluke kakhulu kakhulu kunabazenzisi.
Amakhrestu ngokuqinisekile azothola “umusa nothando nokuthula” (Juda 1:2), kodwa abazenzisi “bamiselwe ukubhujiswa” (Juda 1:4).
Amakhrestu akhuleka “ngoMoya oNgcwele” (Juda 1:20), kodwa abazenzisi abanoye“uMoya” (Juda 1:19).
Amakhrestu agcinwe nguNkulunkulu (Juda 1:24), kodwa abazenzisi “bayazihlubula bona” (Juda 1:11)
Amakhrestu anikelwa “engenasici” phambi kukaNkulunkulu (Juda 1:24), kodwa abazenzisi baqalekisiwe (Juda 1:11)
Njengoba abadukisi bezama ukuzenza babukeke njengento eyiyona, incwaadi kaJuda iyasisiza ukugcina umehluko phakathi kwaMakhrestu eqiniso nawamanga ngokucace ngendlela yokuthi asidingi ukuthi sizibuze ukuthi singaweqiniso noma awamanga. Abadukisi bazozama ukwenza umehluko ungacaci phakathi kwaMakhrestu eqiniso nawamanga, kodwa umehluko mukhulu kakhulu ukuba ungawufihla. Ukugcina umehluko phakathi koMkhrestu wamanga noweqiniso, sidinga ukukhumbula ukuthi uJesu unguMbhubhisi (Juda 1:5) ngokulinganayo nokuba nguMsindisi (Juda 1:25). UJesu wabhubhisa uIsrayeli ongakholwa ngesikhathi sikaEksodusi (Juda 1:5), izingelosi ezavukela umbuso (Juda 1:6), neSodoma neGomora ngenxa yezono zabo (Juda 1:7). Ngokukhumbula ukuthi uJesu unguMbhubhisi kangangoba enguMsindisi, siyokwenza kahle ukuqikelela ukuhamba endleleni thina qobolwethu.
Kulapha lakhona abadukisi-abangaMakhrestu befeyila khona isivivinyo. Esikhundleni sokubona ukuthi uJesu unguMehluleli, nokukhumbula ukuthi uJesu uthe Yena uzokwahlulela ububi bonke, bayazigqaja ngezenzo zobubi babo. Esikhundleni sokuzigcina uqobolwabo othandweni lukaNkulunkulu bancike kwisihawu sikaJesu esiholela kwingunaphakade (Juda 1:21), bancike emaphushweni abo bahlambalaze izidalwa zikamoya (Juda 1:8-10). Balahlwa yizenzo zabo njengoKhayina (Genesisi 4) wayenjalo futhi nanjengo kuba amadodana kaKora (Numeri 16)ayenjalo. Kungenzeka bahlanganyele nabangcwele, kodwa bayommukiswa ukwahlulela abazilethele bona (Juda 1:12-13). Umahluleli usekhulumile (Juda 1:14-15), isinqumo sokwahlulela sithi “lenziwe icala”(Juda 1:16).
“Kepha nina”- leli iqoqwana lamagama elinika umqondo ophikisayo onika umuzwa ohlukile ngendlela enhle kakhulu nakunoma iyiphi incwadi eMbhalweni uwonke. “Kepha nina” nimelwe ukukhumbula ukuthi uJesu uthe abazenzisi abakanje bazoba khona phakathi kwenu (Jude 1:17-19). “Kepha nina” nidinga ukuzakha qobolwenu okholweni lwenu olungcwele kakhulu (Juda 1:20). “Kepha nina” nimelwe nizigcine othandweni lukaNkulunkulu nilendele isihawu seNkosi yethu uJesu Khristu esiholela empilweni yaphakade (Juda 1:21). “Kepha nina” nimelwe nime nesihawu kulabo abangabazayo (Juda 1:22). “Kepha nina” nimelwe ukusindisa labo abadukiswayo ngaphandle kokuthi bona bephokophelele lokho okungamanga nokungenabo ubunkulunkulu (Juda 1:23). uJesu unguMehluleli obhubhisayo nolahlanayo wabo bonke abakhohlisi abakwi nkolo yoBukhrestu, “kepha nina” enibiziwe, enithandiwe nguNkulunkulu, nabagcinelwe uJesu Khristu (Juda 1:1) nizothola umusa, ukuthula, nothando (Juda 1:2).
UNkulunkulu unamandla okunigcina ekukhubekeni, uNkulunkulu unamandla okuninikela ningenasici phambi kwenkazimulo Yakhe; UNkulunkulu unamandla okwenza isikhathi senu enisimiselwe noMahluleli wezikhathi zonke kube yisikhathi “sentokozo enkulu” (Juda 1:24). Ngakho basingakuyeki ukwesaba okunguyena “UNkulunkulu munye, uMsinidisi wethu ngaye uJesu Khristu iNkosi yethu” sibalela Kuye konke “udumo, nobukhosi, namandla, negunya” kuze kube phakade (Juda 1:25).