What Is So Important about the Trinity
Isifundiso soButhathu Emunye sithi uNkulunkulu unguBunjalo obubodwa ebantwini abathathu abahlukene. UNkulunkulu uBaba akasiye uNkulunkulu INdodana futhi akasiye uNkulunkulu uMoya oNgcwele. UBaba, Indodana, noMoya oNgcwele ngamunye banguNkulunkulu ngokuphelele, kodwa kukhona kuphela uNkulunkulu munye. UNkulunkulu akashintshi esuka ekubeni nguBaba, abe Indodana, abe nguMoya oNgcwele ukwenzela ukuhambelana nesidingo esithile, ngoba bonke bobathathu labantu bahlezi bekhona ngokuphelele. Ukuthi sithi “uJesu unguNkulunkulu” kuyiqiniso, kodwa ukuthi sithi “UNkulunkulu nguJesu” kuthanda ukungashayi khona ngoba kungenzeka kunikezele umqondo othi uBaba noma uMoya oNgcwele akasiye uNkulunkulu. Abekho oNkulunkulu abathathu, kuphela munye, kodwa ngamunye walabantu abathathu bobuNkulunkulu bahlukene, ngamunye unendima nomsebenzi wakhe ohlukile, kodwa ngamunye ngokobunjalo unguNkulunkulu njenga lowo omunye.
Izinkulumo ezinjengale engenhla ezigcizelela ukuba munye kukaNkulunkulu, kodwa bese zikusekela ngobuthathu boButhathu Emunye azipheli. Mhlawumbe incazelo enhle kakhulu yoButhathu eMunye ingaba kulezitatimende ezimfushane zihlanganisiwe zonke.
- UNkulunkulu unguBunjalo obubodwa
- UNkulunkulu ukhona ebantwini bobuNkulunkulu abathathu abehlukene
- Umuntu ngamunye woButhathu unguNkulunkulu ngokuphelele ngokwemvelo yaphakade
- Umuntu ngamunye woButhathu akasiye lo omunye umuntu woButhathu
Yize noma kungenzeka singayibambi ngokugcwele ukubakhona kukaNkulunkulu okanje, kuyiqiniso, futhi njengaMakhrestu kuhlanganisa ingxenye yesisekelo sokholo lwethu. Yize siwuqaphele kabanzi umsebenzi owahluka hlukene womuntu ngamunye woButhathu, futhi asinayo inkinga yokubalela umsebenzi ngamunye kulowo muntu njengoNkulunkulu, kodwa sisakhuluma ngoNkulunkulu ngokomqondo wobunye hhayi owobuningi.
Udaba loButhathu Emunye alwenziwanga eMBhalweni, kodwa ubufakazi boButhathu Emunye busobala futhi buqinisekisiwe njengesifundo saMakhrestu selokhu kwahlangana isiGungu seBandla sase-Nicea sonyaka-kaAD 325 ngomsebenzi wevangeli kaAthanasius wase-Alexandria (lokhu yinto ongazenzela ngayo ucwaningo ukuze uzifundele kabanzi)
Elinye lamavesi engiwathandayo abalula uButhathu eliku 1 Phethro 1:1-2
kwabakhethiweyo abayizihambi, abahlakazekele…abakhethiweyo, ngokwazi phambilini kukaNkulunkulu uYise, ngokungcwelisa kukaMoya ukuze balalele futhi bafafazwe ngegazi likaJesu Khristu.
1 kaPhethro1:1-2
UNkulunkulu ubeke uthando Lwakhe phezu kwethu ngaphambi kokuqala komhlaba, uMoya usenza thina sibengcwele ngokukhula usuku nosuku, silalele ngentobeko uJesu. Waze wamuhle uNkulunkulu esinaye!