Victory over pagan Gods
NoNkulunkulu engakithi akufanele silinge sisabe abakhonzi bezithombe. “Ukwesaba abakhonzi bezithixo” ngokusobala kakhulu kuba yinkinga yezithunywa zevangeli (ama-missionary) ezilangazelele ukubona labo abangaphendukile beza ensindisweni, kodwa basabe imimoya yamandla obumnyama yamasikompilo abo noma mhlawumbe basabele ngisho izimpilo zabo. Maningi kakhulu ama-missionary anikele izimpilo zawo ukwenzela ukuvula umnyango weVangeli kulabo okungakafinyelelwa kubo.
Kodwa “Ukwesaba labo abakhonza izithixo” kungena nasemiphakathi ephila impilo yasemhlabeni ethi ayilingise eyamakhrestu. Ukuzwa ngemikhuba yabakhonza izithombe maqondana nemisibenzi ejwayelekile yansuku zonke kungakhuba okwethu ukusebenza yona leyomisebenzi siyenzela udumo lukaNkulunkulu, ukwesaba ukuthi lokho ngandlela thize kuzo sidida imiqondo noma kusidonsele kude noNkulunkulu. Kodwa uBukhrestu abuchazwa ukudeda kuyona yonke imisebenzi eyenziwa yilabo bamasikompilo abakhonzi bezithixo. Ubukhrestu buchazwa ngeQiniso elivela kuNkulunkulu, hhayi ukwesaba ukukhonzwa kwezithombe.
KwiHubo 138:1-3 iNkosi uDavide iqhathanisa ukukhonza kweqiniso kulokho kwalabo abakhonza izithixo. Umuzwela wakhe akusiwo owokusaba, kodwa ukubonga ngentokozo
Ngiyakukubonga ngenhliziyo yami yonke;phambi kwawonkulunkulu ngiyakukuhubela.
Ngiyakukhuleka phambi kwethempeli lakho elingcwele, ngibonge igama lakho ngenxa yomusa wakho neqiniso lakho,ngokuba phezu kwakho konke uphakamisile igama lakho nezwi lakho.
Ngosuku engakhala ngalo wangiphendula;wangiqunga isibindi,wangipha amandla emphefumulweni wami.
IHubo138:1-3
Kwizenzo zakho zansuku zonke, khumbula ukuthi uma wenza konke ukwenzela udumo likaNkulunkulu, lapho-ke akumele wesabe ukuthi mhlawumbe ngandlela thize kungenzeka kade ungaqondile wabamba iqhaza kwimikhuba yabakhonzi bezithombe. UNkulunkulu wethu uphakamisa isimilo Sakhe kanye nesambulo Sakhe phezu ngisho namandla obumnyama anamandla amakhulukazi. Esikwenza sikususela, hhayi ekwesabeni lokho okwenziwa ngabakhonzi bezithixo, kodwa ekudumiseni ngentokozo uNkulunkulu kanye naseZwini Lakhe.