By Ziningi izinto kulempilo eqalekiswe ngesono ezenza abazalwane bathukuthele bagane unwabu. Uma izinto ezinjenganalezi zigcwala kwizindaba, ukuhushulwa kwezisu, inkohlakalo, ukuqwayiza, udlame, nobudlelwano obuhlukumezanayo, nabanye abaningi babonakala bekugqugquzela lokhu, thina njengaMakrestu fanele sibe nezinga elithize lokuthukuthelela into engalungile. Ngisho nakwizinto eziyizinkinga zethu zempilo ngokufanelekile siba nomuzwa othile esiwubhekise kulabo abaziphatha ngokungalungile nabangathembekile esivamile ukuxoxa nabo.
Kodwa,kukona konke lokhu, ngisho nangokuthukuthela okulungile,asimelanga sone. Kungenzeka kanjani lokhu? Amahubo 4 asifundisa okuthile maqondana nalolo hambo elinobunkulunkulu lentukuthelo engenaso isono.
Thukuthelani, kodwa ningoni; zindlani enhliziyweni yenu,
embhedeni wenu, nithule.Sela
Nikelani ngeminikelo yokulunga, nethembele kuSimakade.
Amahubo 4:4-5
Cishe konke ukuthukuthela esikwaziyo yilokho okunolaka. Siyathukuthela uma izinto zingahambi ngendlela efunwa yithi, siphendula ngokumemeza nokubumba umlomo, ngodlame noma ukungabi nandaba, ngokukhathazeka nokwesaba. Intukuthelo ekanje ayikaze yalunga ( kwabaseEfesu 4:31)
Kodwa la kwiHubo 4, uDavide uthukuthele ngoba ukulunga nokuhlonipheka nobunkulunkulu kwakhe, noma kwazeka kuNkulunkulu, kodwa kwaphendulwa usizi nehlazo ngamanga namaqhinga abantu ababi ( iHubo 4:1-3).
Intukuthelo yakhe kodwa, akusiyo leyo esiyijwayele, egcwele ukona. Esikhundleni salokho, ngoba isono esenziwe kuyena sinyanyisa, yena qobolwakhe uzibophezela ekutheni ngeke one ekuthukutheleleni kwakhe isono ( iHubo 4:4). Esikhundleni sokuveza ukucasuka kwakhe, uya kocambalala bese ebuyekeza ngokwenzekile ngokucabangisisa okugcwele ukukhonza ( iHubo 4:4). Siyazi ukukhonza yikona lapho egxile khona, ngoba kwiHubo 4:5 uyaqinisekisa ukuthi isimo somqondo wakhe kade edlinza ebusuku akumulethelanga ukucasuka, kunalokho kumnikezele intshiseko yokuya kwithabanakele ayokwenza umnikelo kuSIMAKADE athemba Kuye.
Phezukwalokho, akaphoqeleli ukuba kubekhona ubulungiswa kulabo abamuzingelayo, kodwa kunalokho uyazi ukuthi uNkulunkulu uzophinda futhi azilungise izinto ( iHubo 4:6). Ukuphela kwesiqephu sokuthukuthela kuka Davide kugqame ngenjabulo edlula eyomcimbi omnandi, kanye nangokuthula okuphelele ( iHubo 4:7-8).
Lentukuthelo kaDavide ihlukile kakhulu kwintukuthelo ejwayelekile esiyikhethayo uma siphendula kwizinto ezimbi ezenzakalile. Ngesikhathi esilandelayo, thatha umyalelo kuDavide. Khetha intukuthelo engcono. Thukutheliswa yisono nomthelela waso emhlabeni kanye nasempilweni yakho. Kodwa ungoni—hhayi ngomlomo wakho; hhayi nangezenzo zakho. Kunalokho, sebenzisa lelothuba ukuthaka isimo esinesono ngokudlinza okugcwele isifundiso seZwi likaNkulunkulu ukuze ukugxila kwakho kubuyele kube ekulawuleni izinto zonke kukaNkulunkulu. Ngokungafani nemiphumela yokuthukuthela okujwayelekile, lokhu kuzoba nomphumela onentokozo nokuthula.
Hlola ukuthukuthela kwakho: Ngakuba ngungenza ngishisekele ukuyothandaza, ngifunde iBhayibheli, ngiye naseSontweni?