The Fountain of eternal life
“Umthombo wokuphila kwaphakade” ngokuvamile kuba wumqondo ohlobene nezinganekwane, noma ukukholwa okungamanga. Kodwa, njengezinto eziningi empilweni, izinganekwane nabakhonzi bamanga umqondo ababanawo bawuntshontsha kwiQiniso.
Kunomthombo wokuphila ongokweBhayibheli, yebo, ngisho nomthombo wokuphila kwaphakade emiBhalweni. NjengaMakhrestu siyobe senza kahle ukufuna lowo mthombo, siphuze kuwona, bese sivuna hhayi kuphela ukuphila okuhle manje, kodwa ukuphila okuphakade okuzayo.
EMBhalweni kukhona umthombo wempilo—umthombo wamanzi la emhlabeni, okuthi uma umuntu ephuza kulawo manzi, lowo uthola ukuhlakanipha okumangalisayo kwalempilo. Kukhona inqubekela phambili kulomthombo wempilo wasemhlabeni. Okokuqala, umuntu kumele azi, asabe, futhi akholwe kuSIMAKADE uNkulunkulu.
Ukwesaba uSimakade kungumthombo wokuphila, ukuze umuntu adede ezingibeni zokufa.
IZaga14:27
Ukwazi ukuthi ungaphila kanjani kahle, nokuthi ungazigwema kanjani izinto eziletha ukudicilileka phansi, umuntu kumele akaphuze ngokuminya kulomthombo wokwesaba uNkulunkulu okuyikona ukukholwa kweqiniso kuNkulunkulu.
Ngokukholwa kuNkulunkulu njengesiqalo, umthombo wempilo unokuningi onakho, okuningi kakhulu okuza ngezimfundiso zamanye amadoda nabesifazane.
Ukufundisa kohlakaniphileyo kungumthombo wokuphila, ukuze kudedwe ezihibeni zokufa.
IZaga13:14
Okuyiyona kuphela into esisele ukuzuza umvuzo ovuselelanayo womthombo weqiniso wempilo, ukuthatha lempilo bese uyayiphila.
Ukuqonda kungumthombo wokuphila konakho, kepha ubuwula buyisijeziso seziwula.
IZaga16:22
Ukubeka leziZaga ezintathu ngokwamagama eThestamente Elisha, umthombo wempilo yasemhlabeni enempumelelo uqala ngokukholwa kuNkulunkulu, uqhubeke ngezimfundiso nokukhuthaza kwalabo abangcwele, bese uguqula umoya weqondo ukuze uzophila impilo efuze ekaKhristu.
Lomthombo wempilo yasemhlabeni uyisithombe sesikhashana somthombo wempilo yaphakade.
KwiHubo 36 umHubi uvuma imivuzo yasemhlabeni yomthombo wempilo, kodwa usebenzisa amatemu oMbuso weZulu, edonsela imiqondo yethu kokudlulele kulempilo yasemhlabeni kodwa okwempilo yaphakade.
Ngokuba umthombo wokuphila ukuwe, ukukhanya sikubona ekukhanyeni kwakho.
IHubo36:9
UJesu uyisakhiwo esibonakala ngamehlo salomthombo wasezulwini wempilo yaphakade.
Kepha lowo oyakuphuza amanzi engiyakumnika wona, akayikoma naphakade. Ngokuba amanzi engiyakumnika wona ayakuba kuye ngumthombo wamanzi aphuphumsayo, kube ngukuphila kwaphakade.”
ngokukaJohane4:14
Lapho lokhukuphila sekuphelile, kukhona okwamahhala, okungapheli ukungena kulomthombo wempilo yaphakade.
Wayesethi kimi: “Sekwenzekile. Ngingu-Alfa no-Omega, ukuqala nokugcina. Owomileyo ngiyakumphuzisa ngesihle emthonjeni wamanzi okuphila.
ISambulo 21:6
Ungavumi izinganekwane nezinkolo ezingamanga sidicilele phansi lokho uNkulunkulu akwambulile ngokusobala. Thokoza ngokuthi akusekho ukuthungatha umthombo wempilo. Wathuliwe ngokusobala kubantu bonke futhi uyatholakala mahhala. Biza abantu beze bazophuza. Phila ngendlela yokuthi bezobona ukuthi ubulokhu uphuza kumthombo waphakade wokuhlakanipha, ukukhanya kanye nempilo.