Never Minimise God’s Holiness
U-Izaya 6 uwukubonakaliswa okukhulu kobungcwele bukaNkulunkulu nokuthi umuntu ukanjani uma eqhathaniswa noNkulunkulu. Kulo mbono kaNkulunkulu, umuntu onesono ogama lakhe lingu-Izaya wabizelwa ukuba abe umprofethi kaNkulunkulu. Kuwona wonke amagquma namathafa alandela omsebenzi wakhe wokuprofetha owathatha isikhathi eside, kwakuwubungcwele bukaNkulunkulu obaboniswa kulo mbono owagcina u-Izaya ethembekile kuNkulunkulu.
Uvesi 3 uqukethe inkulumo eqondile necacile kakhulu kuyo yonke imiBhalo ephathelene nobungcwele bukaNkulunkulu.
“Ungcwele, ungcwele, ungcwele uSimakade Wamabandla, wonke umhlaba ugcwele inkazimulo yakhe!”
Izaya6:3
Lokhu kuphindaphindwa kathathu akusikho nje kuphela ngenxa yokugcizelela, kodwa futhi kungokuqinisekisa ubunjalo bobungcwele bukaNkulunkulu. Ukuba u-IZaya wayengumZulu futhi amaserafi ememeza lokhu ngesiZulu, kwakuzofundeka kanje,
“Ungcwele, ungcwele kakhulu, ungcwele kakhulu kakhulu uSimakade wamaBandla, wonke umhlaba ugcwele inkazimulo yakhe!”
Ngokwevesi 4, isakhiwo uqobo lwaso sathuthumela ngokwesaba okugcwele ukumangala ngenxa yalokhu kubonakaliswa kobungcwele bukaNkulunkulu.
Izinsika zomnyango zathuthumeliswa yizwi lomemezayo, indlu yagcwala intuthu.
IZaya6:4
Abantu baqhathaniseka kanjani nalobu bungcwele obukhazimulayo bukaNkulunkulu? Uvesi 5, ngaphandle kokungabaza, ungelinye eliqukethe ukuqhathanisa okuyihlaba esikhonkosini.
Ngase ngithi: “Maye kimi! Ngokuba ngiphelile, lokhu ngingumuntu ondebe zakhe zingcolile, futhi ngihleli phakathi kwabantu abazindebe zabo zingcolile. Ngokuba amehlo ami ayibonile iNkosi uSimakade Wamabandla.”
Izaya 6:5
UNkulunkulu ungcwele, thina singcolile.
UNkulunkulu akahlukanisekile kuphela ngoba eseZulwini, kodwa ngisho naseZulwini wakhlukanisekile ngenxa yobungcwele Bakhe, thina, singungwe ezinye izidalwa ezingcolile njengathi.
Izingelosi ezingalokothi zibe nesibindi zokugqolozela ubungcwele bukaNkulunkulu zisikhumbuza ukuthi bekungeke neze kwenzeke ukuba thina sigqolozele ubungcwele bukaNkulunkulu. Yingakho u-Izaya aqaphela isimo sakhe esiqalekisiwe ngenxa yokubona ubungcwele bukaNkulunkulu. Indlela kuphela yokuba sazise ngokuqoda ubungcwele bukaNkulunkulu ukuthi uNkulunkulu ngomusa asenze sibe ngcwele. Yilokho akwenza ku-Izaya emavesini 6 no-7.
Elinye lamaserafi landizela kimi liphethe ilahle elivuthayo esandleni salo, elalilithathe ngodlawu e-althare. Lathinta umlomo wami, lathi: “Uyabona, lokhu kuzithintile izindebe zakho; ububi bakho sebususiwe, nezono zakho sezihlanguliwe
Izaya 6:6-7
Umusa omkhulu kaNkulunkulu awubunciphisi ubungcwele Bakhe obukhazimulayo. Asisindiswa lapho uNkulunkulu ehlisa ubungcwele Bakhe, kodwa sisindiswa lapho, ebukhoneni bobungcwele Bakhe obuphelele, eselulela isandla Sakhe asithethelele izono zethu futhi asenze singabi nacala.