By Kwakungezikhathi zenye yamakhosi akwaIsrayeli ayedume kabi ngangokuthi indoda okwakuthiwa uEliya yabekezelela umsebenzi onzima wokuba yisikhulumi sikaNkulunkulu kubantu bakaNkulunkulu. Ngokuhamba kwesikhathi isimo saya ngokuya sishuba ngendlela yokuthi ngemuva kwalapho kwalandela impi yonkulunkulu. Kwincwadi 1 Amakhosi 18 indaba iyaxoxwa; ngokungangabazi, uNkulunkulu weqiniso, USIMAKADE kaIsrayeli Nguye onqobayo.
Lokhu akuzange kuhlale kahle kuNdlovukazi omubi uJezebheli. Ngemuva kokunqoba okukhulu okubaluleke kangaka, uEliya wakhungathwa ukwesaba ngenxa kaNdlovukazi, kangangokuba wabeleka ezweni ( 1 Amakhosi 19:1-3), eshiya ngemuva abahlobo ayesondelene nabo. Kwaphinda futhi, ngokungamangazi, lamagxathu okuqala okudangala aletha kuye imicabango yokuzibulala ( 1 Amakhosi 19:4). Ngenxa yentshiseko ayezibona enayo, wayelindele ngandlela thize ukuba nempilo ethe ukubamnandi, kunalokho, wazithola eshiyeke yedwa waze waqala ukukholwa amanga okuthi usesele yedwa qhwaba esimweni esibucayi ngendlela engajwayelekile ( 1 Amakhosi 19:9-10). Njengoba ukudangala kuvame ukwenza, ukungenzeki kwalokho ayekulindele kwenza izimo zakhe zizwakale engathi zinzima ngokuphindaphindwe kali-10 kunalokhu ezaziyikona ngempela.
Kodwa uNkulunkulu ungumeluleki omuhle wokudangala ( UIzaya 9:6). Okokuqala uNkulunkulu unikezela uEliya odangele ukudla nento yokuphuza ( 1 Amakhosi 19:5-9). Kungabukeka engathi lokhu akunawo umthelela ngokukamoya, kodwa uNkulunkulu uyazi ukuthi umuntu olambile kukancane ukuthi angaziphatha ngobunkulunkulu. UNkulunkulu useqinisekisa uEliya ngobukhona Bakhe ekwenza lokhu ngezindlela ezikhombisa ukunakekela ( 1 Amakhosi 19:11-13) bese masinyane athumele umprofethi Wakhe emuva kumsebenzi wakhe ( 1 Amakhosi 15-16). Bese-ke uNkulunkulu esebhekana nokuyiyona inkinga, alungise namanga abesenze uEliya waba nokudangala. UNkulunkulu uqinisekisa uEliya ukuthi noma angazizwa eyedwa, kodwa akayedwa, eqinisweni, kunalokho uNkulunkulu wayenenqwaba yamadoda ayephila ngendlela efanele ngaphansi kwezimo ezifanayo nezikaEliya, futhi uNkulunkulu ayemshisekele ngendlela efana neyakhe uEliya ( 1 Amakhosi 19:18). Ngaleyondlela umprofethi owayedangele waphinda futhi wabe esenza kahle kulowomsebenzi ayewumiselwe nguNkulunkulu.
Kwesinye isikhathi kuthatha isikhathi esithe ukuba sijana ukuphuma kukho ukudangala—kakhulukazi uma imbangela kuyisimo esingeke sisashintsha. Akuthina sonke esiqinile ekukholweni njengo Eliya okuthi nje ngeseshini eyodwa vo yokwalulekwa ngeZwi likaNkulunkulu wabuyela esimweni sikamoya esiphilile. Kodwa sinezwi likaNkulunkulu elifanayo nalelo uEliya ayenalo, futhi sinoNkulunkulu ofanayo nalowo uEliya ayenaye. Kwisikhathi lapho kufika ukwesaba, ukudangala, ukuzibona uwedwa, ukungagqugquzeleki, nokuzidabukela, konke lokhu uma kusikhungethe, masibheke izimpendulo kwisifundo esinaso seZwi likaNkulunkulu. Engathi singazikhumbuza ngobukhona bukaNkulunkulu. Engathi singathatha ingxathu elilandelayo elilungile kwimisebenzi yethu yansuku zonke. Engathi ukukholwa emandleni kaNkulunkulu kwethu kungakhipha konke ukuzidabukela nokuphelelwa yithemba.