UNkulunkulu yena yedwa unguNkulunkulu

God is the only God

U-Izaya 45 no 46 baqukethe iziqiniseko ezine ukuthi uSIMAKADE yena yedwa unguNkulunkulu. Leli, kodwa-ke, akusilo iqiniso elithile elizimele lodwa. Isiqiniseko ngasinye sokuba yikhethelo kobuNkulunkulu buka SIMAKADE kuhambisana nesiphetho esithathelwa kulona leloqiniso esibhekiswe kubantu

Mina nginguSimakade,

akekho omunye uNkulunkulu

ngaphandle kwami;

ngiyakukubhincisa noma ungazange ungazi,

ukuze abantu bazi,

kusukela ekuphumeni kwelanga

kuze kube sekushoneni kwalo,

ukuthi akekho omunye ngaphandle kwami;

Mina nginguSimakade,

akekho omunye;

UIZaya 45:5-6

Ngoba uSIMAKADE yena yedwa unguNkulunkulu, bonke abantu, ngisho nabangakholwa abangamazisi Yena, basaqhubeka bathola amandla Akhe okuphila izimpilo zabo.

Ngokuba usho kanje uSimakade, owadala izulu,

uNkulunkulu, owabumba umhlaba;

wawenza, wawumisa,

engawudalelanga ize;

wawubumba ukuba kuhlalwe kuwo, uthi:

“NginguSimakade, akekho omunye.

Angikhulumanga ekusithekeni,

endaweni emnyama emhlabeni;

angishongo kwabozalo lukaJakobe, ngathi:

‘Ngifuneni ngeze.’

Mina Simakade ngikhuluma ukulunga,

ngimemezela okuqotho.

UIZaya 45:18-19

Ngoba uSIMAKADE yena yedwa unguNkulunkulu, bonke abantu bangamthola Yena futhi bazi iqiniso ngempilo esiphila kuyo.

Kumemezeleni, nikuveze;

yebo, mabaxoxe.

Ngubani owakubikezela lokhu endulo,

wakumemezela esikhathini sasemandulo na?

AkusiMina Simakade na?

Akekho uNkulunkulu ngaphandle kwami,

uNkulunkulu olungileyo noMsindisi,

akekho ngaphandle kwami.

“Nina nonke mikhawulo yomhlaba,

phendukelani kimi, nisindiswe,

ngokuba nginguNkulunkulu, akekho omunye.

UIZaya 45:21-22

Ngoba uSIMAKADE yena yedwa unguNkulunkulu, bonke abantu bangaphenduka ekukholweni kwabo okungamanga bese bayasindiswa.

Khumbulani izinto zakuqala, zasemandulo,

ngokuba nginguNkulunkulu,

akekho omunye,

nginguNkulunkulu,

akekho onjengami,

owamemezela phambilini okuyakuza,

nasendulo izinto ezingakenziwa, ethi:

‘Icebo lami liyakuma

ngiphumelelise yonke intando yami,

ngifeze zonke izimfiso zami,

UIZaya 46:9-10

Ngoba uSIMAKADE nguyena yedwa uNkulunkulu, intando yakhe iyohlezi yenzeka.

Simelwe ngempela sibonge ukuthi uSIMAKADE yena yedwa onguNkulunkulu, futhi impela, Nguyena kuphela. Ngoba kuphela uSIMAKADE onguNkulunkulu, wonke umuntu unakho konke akudingayo maqondana nempilo yansuku zonke, unethuba lokwazi uNkulunkulu, angaphenduka futhi asindiswe, futhi angaqinisekisa ukuthi akekho ongavimba inhloso emangalisayo kaNkulunkulu eyenzelwe thina.