Isikhathi Sezinto Zonke

Ziningi izinto ezenzekayo usuku nosuku emhlabeni wonke.UNkulunkulu akengamele kuphela izenzo kanye nezigameko zonke, kodwa uyakulawula konke ekwenzela isiphetho esihle asimisile Yena.

Lokho uJosefa akusho ngabantu abakhohlakele kuGenesisi 50:20, kuyiqiniso ngazo zonke izenzo ezenziwayo usuku nosuku. USolomoni wabhala inkondlo wabe eseyihlaziya kafushane ngasekugcineni ukusikhombisa lokhu.

Konke kunesikhathi sakho, yonke indaba inomzuzu wayophansi komthunzi welanga.

Kukhona isikhathi sokuzalwa nesikhathi sokufa;

isikhathi sokutshala, nesikhathi sokusiphula okutshaliweyo;

isikhathi sokubulala, nesikhathi sokuphilisa;

isikhathi sokubhidliza, nesikhathi sokwakha;

isikhathi sokukhala, nesikhathi sokuhleka;

isikhathi sokulila, nesikhathi sokusina;

isikhathi sokusakaza amatshe, nesikhathi sokuwaqoqa;

isikhathi sokugona, nesikhathi sokuchiliza;

isikhathi sokufuna, nesikhathi sokulahlekelwa;

isikhathi sokulondoloza, nesikhathi sokusaphaza;

isikhathi sokudabula, nesikhathi sokuthunga;

isikhathi sokuthula, nesikhathi sokukhuluma;

isikhathi sokuthanda, nesikhathi sokuzonda;

isikhathi sokulwa, nesikhathi sokuthula.

UMshumayeli 3:1-8 (IsiZulu 2020)

Nakhu lapho eseyihlaziya khona:

Konke ukwenze kwafanela isikhathi sakho, ngaphezu kwalokho wabeka ukulangazelela iphakade ezinhliziyweni zabantu, kodwa abakwazi ukuyazi imisebenzi kaNkulunkulu kusukela ekuqaleni kwayo kuze kube sekugcineni kwayo.

UMshumayeli 3:11 (IsiZulu 2020)