By Kwesinye isikhathi isilulumagama kolunye ulimi senza kube nzima ukuhumusha amagama athile uwayise kolunye ulimi. Ngokuqhathanisa amahusho ahlukene okungenzeka ashaye emhloleni, siyakwazi ukuthola isisindo esiphelele salololimi ekususelwe kulo. Lokhu kuyafakazeleka kwincwadi kwabaseRoma 12:10 ehumushwe ngezindlela ezilandelayo kumahumusho ehlukene, ( ngizokwengeza nangawesiNgisi)
Thandanani ngenhliziyo ngothando lobuzalwane; ekwazisaneni nandulelane;
kwabaseRoma 12:10 (IsiZulu 1959)
Thandanani okuhle omunye komunye ngothando lobuzalwane; ekuhlonipheni nikhethe omunye komunye
KwabaseRoma 12:10 (Contemporary Zulu Bible 2024)
Thandanani ngokujulile ngothando lobuzalwane; nindulelane ekuhloniphaneni,
KwabaseRoma 12:10 (IsiZulu 2020)
Thandanani okuhle omunye komunye ngothando lobuzalwane; ekuhlonipheni nikhethe omunye komunye;
KwabaseRoma 12:10 (Baasraak Zulu New Testament Bible)
Love one another with brotherly affection. Outdo one another in showing honor.
Romans 12:10 (ESV)
Be devoted to one another in brotherly love. Honor one another above yourselves
Romans 12:10 (NIV)
Okuyiyona ingqikithi yalelivesi isobala- lokhu kusibizela ekunakekeleni ngokwedlulele omunye.
Ingxenye yokuqala yevesi iphathelene nothando, ukuzibophezela, nokukhonzana okuhle, konke okubhekiswe komunye nomunye emndenini kamoya. Ingxenye yesibili yalelivesi iphathelene ngokwazisana okubeka omunye phambili nempatho yekhethelo. Uma sikuhlanganisa kokubili kusinika ubizo olunesisindo lokuthanda abanye Abazalwane ngendlela edlula uthando bona abakukhombisa lona. Loluthando kumele lubonakaliswe ngophawu lokuzibophezela, ubumnene, ukukhonzana nokuzisana kwezinya ngane zandowonye. Loluthando akusilona nje uthando olujulile lokuzinikela, kodwa uthando lwansuku zonke lokulangazelela ukuba ndawonye nabazalwane, ukunakekelana omunye nomunye, ukucabanga omunye esezingeni eliphezulu kunelomunye.
Kulelivesi kugcizelelwa kabili isenzo ekumele sisenze komunye, lokhu kuyasikhumbuza ukuthi lolu wuthando lwamakholwa lwekhethelo – yilokhu esikukhombisayo nesikuzwayo ngalobo esinabo ebandleni esikulo. Ngakho ke, engathi njengebandla singalazi lelivesi, siligcine ezinhlizweni, sikwenze lokhu kube sobala kulabo abafika bezosijoyina kwimihlangano yokukhonzana yabazalwane phakathi neviki, kwimihlangano yemikhuleko, kwimicimbi ehlanganise abazalwane bamabandla, nasekukhonzeni kwangamasonto.