Ngakube UNkulunkulu Uyabathanda Laba Abangeke Basindiswe?

Ngenxa yehaba elenziwa uma kukhulunywa ngokulunga nobulungiswa kukaNkulunkulu, Amakrestu amaningi akholelwa futhi afundisa ukuthi nanoma yibuphi ubuhle obubhekiswe kulabo abangakholwa kuwumsebenzi wobuhle nokunakekela ngokomusa okungahlangani nokuthanda, nemizwa nenjabulo okunenhloso esikuhlanganisa negama elithi uthando. Kodwa iBhayibheli likwenza kucace ukuthi uNkulunkulu uluthando. Lokhu kuqinisekiswe kabili kwincwadi ekaJohane (1 ekaJohane 4:8,16). Kuyalandela ke, ukuthi uNkulunkulu ukhombisa ngobufakazi uthando Lwakhe ngendlela ephathekayo. Ngamanye amazwi, uNkulunkulu akasiye lowo ongenandaba noma ongazihlanganisi nempilo yabantu. Kumlando wonke webandla abantu bebethi uthando lukaNkulunkulu ilona imbangela yomusa nobuhle Bakhe okwehliselwa kubantu bonke nendalo ngokunjalo.

Kodwa ngakube iBhayibheli lisebenzisa igama elithi uthando ukuchaza ubudlelwano bukaNkulunkulu nalabo abaphika iqiniso? Impendulo u”Yebo” omkhulu. Ekuhlanganeni okungokwevangeli nensizwa eyayinothile, yize insizwa eyayinothile ngokusobala yayikuphikisa ukubizwa nguJesu ukuba ibe ngumfundi, uMakhu ubhala ukuthi uJesu wayeyithanda (Makhu 10:21). Ngaphezulu kwalokho, uJesu wayengenankinga nokuqinisekisa uthando lukaNkulunkulu kulabo abayizitha Zakhe. Ivesi elaziwa kakhulu lapho uJesu ekhuluma ngokuthi uNkulunkulu wenza ilanga likhanye nemvula ine kwabahle nababi libekwe maphakathi nesihloko esikhuluma ngothando (Mathewu 5:44-48).

UMacArthur ubeka umbono ngalesihloko uthi:

Ngokusobala lokhu kufundisa ukuthi uthando lukaNkulunkulu lufinyelela nakwizitha Zakhe. Loluthando lukaNkulunkulu olwehliselwa kubobonke abantu lubonakala kwizibusiso eziphiwa bonke abantu ngokungakhethi. Abafundi bezezwi likaNkunkulu lokhu bakubiza ngomusa ovamile (common grace). Lokhu…..isenzo sesihle esingenankohliso.

John MacArthur. The MacArthur Study Bible. Nashville, Matt 5:44, 45.

Ngokubonakaliswa nsuku zonke ngaloluhlobo kothando kuvela kuNkulunkulu luya ngisho nakulabo abangakholwa, ngakube akufanele yini nathi esimuthandayo uNkulunkulu sithande umakhelwane wethu?