Thandaza ngoba unoBaba ezulwini

Amakrestu ayathandaza, ngoba Amakrestu anoBaba Ezulwini

Igama lokuqala lomthandazo elafundiswa nguJesu lingeli balulekile ukuwedlula wonke: “Baba”. Ukubiza uNkulunkulu njengoBaba akusikho ukumteketisa okufana nokusebenzisa igama elithi “daddy” noma “bah-bah” okuyindlela engenakho ukumunikezela udumo amanye Amakrestu aseyisebenzisa manje. Igama lesi Greki u”pater” nelesi Hebheru u”abba” impela agamagama aveza uthando, kodwa aveza nokuhlonipha okukhulu.

Ukuthi uJesu aphakamise igama u”Baba” njengegama lokubiza uNkulunkulu kubalulekile ukuba sikuqaphelisise. kwiTestamente Endala, igama “ubaba” lisetshenziswe izikhathi ezi-15, akukho lapho lisetshenziswe kade kuthandazwa. Kodwa, kwizincwadi ezintathu zokuqala kwiTestamente Elisha, leligama u”baba” lisetshenziswe izikhathi ezi-65 ukubiza uNkulunkulu, kwaba izikhathi eziyi-100 kwincwadi yeVangeli ngokukaJohane sisabala yona yodwa. Ukubiza uNkulunkulu ngo”Baba” yinto yekhethelo kakhulu kulabo abangabalandeli beNdodana Yakhe uJesu Kristu.

Yize noma uNkulunkulu enguNkulunkulu ofanayo kulabo abakholwa kwizikhathi zeTestamente Elidala, nanjengoba esaNguye nakumakholwa akholwa ngemuva kokuphila kukaJesu emhlabeni, kodwa kunendlela ethanda ukuhluka amakholwa asenayo kusukela kwafika uJesu emhlabeni ngenxa nje yokuba ukukholwa kwethu kusegameni likaJesu. AbaseRoma 8:16-17 bayaqinisekisa ukuthi ngenxa yezinhlupho zethu ezifuze ezikaKhristu kanye nokukhazimuliswa kunye Naye, lokho kusho ukuthi siyizindlalifa kanye Naye uKhristu, “singabantwana bakaNkulunkulu”. 1 Johane 3:2 uyaqinisekisa ukuthi ngenxa yokuba siyokwenziwa sibe ngcwele njeNgaye ekufikeni Kwakhe, singa”Bantwana bakaNkulunkulu”. Lapho sembathiswa ukulunga kukaKhristu, uNkulunkulu ubona mina nawe ngalendlela abona ngayo iNdodana Yakhe ethandekayo. Singabantwana, UnguBaba wethu.

Ngamagama alula, uNkulunkulu wenza okuhle okuningi kubantwana Bakhe kunalokho okwenziwa ngunoma yimuphi wobaba basemhlabeni. Ngakho uma kuhlanganiswa zonke izizathu lesi yisona isizathu esisobala kakhulu ukuzidlula zonke sokuthi sithandaze: UnoBaba ezulwini.

Amakrestu ayathandaza, ngoba Amakrestu anoBaba Ezulwini.

Ngakho thandaza, Mzalwane Thandaza!

Amahubo 55:22 athi: “Phonsa umthwalo wakho kuSimakade, Yena uzokusimamisa.”

Amahubo 62:8 athi: “Bantu, yethembelani kuye ngezikhathi zonke, inhliziyo yenu niyithululele phambi kwakhe, uNkulunkulu uyisiphephelo sethu.”

1 Phethro 5:7 uthi: “niphonse izinkathazo zenu zonke phezu kwakhe, ngokuba uyanikhathalela.”

Lapho uthandaza, yazi ukuthi ukhona uBaba wakho osezulwini.